Toshkent mezbonlik qiladigan jahon chempionatiga tayyorgarlik jarayoni muhokama qilindi

Kecha O'zbekiston Milliy Olimpiya qo'mitasi musobaqaga tayyorgarlik masalalari bo'yicha yig'ilish o'tkazildi.

Unda MOQ Bosh kotibi Oybek Kasimov, mamlakat voleybol federaciyasi rahbariyati va volontyorlar xizmati vakillari bilan bo'lajak chempionatga olib borilayotgan tayyorgarlik jarayonini ko'rib chiqishdi.

Uchrashuv chog'ida poytaxtimizda avvallari o'tkazilgan xalqaro musobaqalar tajribasi asosida chempionatni yuqori saviyada tashkil etish, mehmonlar uchun qulay shart-sharoitlar yaratish va xizmat ko'rsatish sifatiga alohida etibor qaratish lozimligi takidlandi. Suhbat davomida ish samaradorligini oshirish bo'yicha masullarga tegishli ko'rsatmalar berilib, tayyorgarlik jarayonining har bir bosqichi qatiy nazoratga olinishi takidlandi.

SHuningdek, xalqaro talablarga mos infratuzilmani shakllantirish va volontyorlar faoliyatini muvofiqlashtirish masalalariga alohida etibor qaratildi.