Toshkent shahar Jismoniy tarbiya va sport boshqarmasida rejalar muhokama qilindi

Jismoniy tarbiya bo'yicha mutaxassislarni ilmiy metodik taminlash, qayta tayyorlash va malakasini oshirish markazida Toshkent shahar Jismoniy tarbiya va sport boshqarmasi tashabbusi bilan O'zbekiston Respublikasi Prezidentining 2020 yil 24 yanvardagi “O'zbekiston Respublikasida jismoniy tarbiya va sportni yanada takomillashtirish va ommalashtirish chora-tadbirlari to'g'risida”gi PF–5924-sonli Farmoni hamda 2020 yil 24 yanvar kuni O'zbekiston Respublikasi Prezidenti SHavkat Mirziyoevning Oliy Majlisga yo'llagan Murojaatnomasi to'g'risida, shuningdek, Toshkent shahar jismoniy tarbiya va sport bashqarmasining 2020 yil 20 yanvardagi 20-sonli “Toshkent shahar jismoniy tarbiya va sport boshqarmasi faoliyatini tartibga solish to'g'risida”gi buyrug'i ijrosini taminlashga qaratilgan yig'ilish bo'lib o'tdi.

Tadbirda Toshkent shahridagi tumanlarning jismoniy tarbiya va sport bo'limlari, Oliy sport mahorati maktablari, Sport turlariga ixtisoslashtirilgan bolalar-o'smirlar sport maktablari hamda bolalar-o'smirlar sport maktablari masul xodimlari va rahbarlari ishtirok etdi.

Yuqoridagi masalalar bo'yicha Toshkent shahar jismoniy tarbiya va sport boshqarmasi boshlig'i Akromxo'ja SHadixodjaev, boshqarma boshlig'i o'rinbosari Doniyor Sultanovlar yig'ilish ishtirokchilariga tushuntirish berdi.

SHuningdek, O'zbekiston Respublikasi Prezidentining 2019 yil 29 oktyabrdagi “O'zbekiston Respublikasida regbi sport turini rivojlantirish chora-tadbirlari to'g'risida”gi PF–4500-son hamda 2019 yil 4 dekabrdagi “O'zbekistonda futbolni rivojlantirishni mutlaqo yangi bosqichga olib chiqish chora-tadbirlari to'g'risida”gi PF–5887-sonli Farmonlari ijrosi bo'yicha amalga oshirilayotgan ishlar to'g'risida tuman bo'limlari boshliqlari va sport talim muassasalari rahbarlari hisobot berishdi.

Tadbir davomida korrupciyaga qarshi kurashish bo'yicha yig'ilganlarga topshiriqlar berildi. SHu bilan birga, sport maktablarida o'quvchilarni kiyinish madaniyati to'g'risida “SHayx Zayniddin” jome masjidi imom- xatibi tadbir ishtirokchilariga tushuntirishlar berib o'tdi. Qolaversa, 2020 yilda amalga oshiriladigan ishlar to'g'risida topshiriqlar berildi.