Toshkent shahar Jismoniy tarbiya va sport boshqarmasining bayram tadbiridan FOTOREPORTAJ

Ustoz, O'qituvchi, Muallim, Murabbiy. Bu so'zlarda qanchadan-qancha mano bor. Zero, esimizni tanigandan ilk onlaridan boshlab, ana shunday zotlar bizni qo'limizdan tutib kelmoqda. Abdulla Avloniy “Har bir millatning saodati, davlatning tinchi va rohati yoshlarning yaxshi tarbiyasiga bog'liqdir” - degan. 

Demak, ustozlarning zimmasiga juda ham buyuk, masuliyatli vazifa yuklatilgan. Bu ham bo'lsa, kelajagi buyuk davlat uchun komil, har tomonlama etuk va barkamol, manan pok, vatanparvar insonlarni tarbiyalab chiqarish vazifasidir.

O'qituvchi va murabbiylik yuksak sabr va matonat talab qiladigan kasb. SHunday ekan, ularga qancha xizmat qilsak va ehtirom ko'rsatsak, shuncha kam.

Toshkent shahar Jismoniy tarbiya va sport boshqarmasi tomonidan ushbu qutlug' sanaga bag'ishlab bayram tadbiri tashkil etildi. Marosimda O'zbekiston Respublikasi Jismoniy tarbiya va sport vaziri o'rinbosari SHarifjon Mo'minjonov, shuningdek, Respublika Oliy sporti mahorati maktablari direktorlari hamda vazirlik tizimidagi davlat sport-talim muassasalari rahbarlari, trener-o'qituvchilar ishtirok etdi.

Tadbirda “O'qituvchi va murabbiylar kuni” munosabati bilan sport sohasida faoliyat yuritayotgan bir guruh ustozlar, trener-o'qituvchilarga O'zbekiston Respublikasi Jismoniy tarbiya va sport vazirligining “Jismoniy tarbiya va sport alochisi” ko'krak nishonlari, maxsus Faxriy yorliqlari hamda Toshkent shahar Jismoniy tarbiya va sport boshqarmasining Faxriy yorliqlari topshirildi.

Suratlar muallifi - Alimurod Mamadaminov