Toshkent shahar prokurori o'rinbosari sportchilar bilan uchrashdi

Mirobod tumani jismoniy tarbiya va sport bo'limi hamda Toshkent shahar prokuraturasi hamkorligida tashkil etilgan uchrashuv davomida yoshlar o'rtasida huquqbuzarliklarning oldini olish, ularning bo'sh vaqtlarini mazmunli tashkil etish hamda yosh sportchilarning kelajak maqsadlari yuzasidan davra suhbati tashkil etildi.

Uchrashuvda tumanning iqtidorli sportchilari tomonidan xalqaro maydonlarda qo'lga kiritilgan bir qator yutuqlari bo'yicha savol-javoblar bo'lib o'tdi. Tadbir yakunida sportchilarga Toshkent shahar prokuraturasi tomonidan esdalik sovg'alari topshirildi.