Toshkent viloyati dzyudochilari O'zbekiston Kubogi sohibi!

Musobaqada mamlakatimizning barcha hududlaridan kelgan jami 518 nafar (379 erkak, 139 ayol) dzyudochi 14 ta (7 ta erkaklar, 7 ta ayollar) vazn toifasida g'oliblik yo'lida tatamiga chiqdi. 

Ikki kunlik bellashuvlar yakuniga ko'ra, Toshkent viloyati jamoasi 3 ta oltin, 2 ta kumush, 3 ta bronza medali bilan umumjamoa hisobida birinchi o'rinni egalladi. Samarqand viloyati terma jamoasi ham 3 ta oltin medalga ega chiqdi, ammo ular kumush va bronza (1 ta kumush, 1 ta bronza) medallar nisbatiga ko'ra ikkinchi o'rindan joy olishdi. Kuchli uchlikka 2 ta oltin, 1 ta kumush, 5 ta bronza medali bilan xorazmlik dzyudochilar yakun yasashdi. 

Quvonarlisi, O'zbekiston Kubogining hududiy 14 ishtirokchisidan 13 tasi kamida bitta bronza medalini qo'lga kiritdi. Sakkiz viloyat jamoalari safida kamida bir nafardan chempion bo'ldi.