Toshkent viloyati Jismoniy tarbiya va sport boshqarmasi sport festivali tashkil qildi

O'zbekiston Respublikasi Prezidentining 2017 yil 3 iyundagi “O'zbekiston Respublikasida Ommaviy sportni yanada rivojlantirishga doir qo'shimcha chora – tadbirlar to'g'risida”gi  PQ-3031-sonli qarori ijrosini taminlash, shuningdek Toshkent viloyatida ommaviy sportni keng rivojlantirish, yoshlarni sportga keng jalb qilish maqsadida, Toshkent viloyati jismoniy tarbiya va sport boshqarmasi va  Jismoniy tarbiya va sportni rivojlantirish jamg'armasi Toshkent viloyati filiali tomonidan O'rtachirchik  tumanida joylashgan 124-maxsus maktab internatida (jismoniy imkoniyati cheklangan o'quvchilar) “1-iyun Xalqaro bolalarni himoya qilish kuni” munosabati bilan  “Har bir bolaga mehr, etibor!” shiori ostida  sport festivali tashkil etildi.

Musobaqada o'quvchi yoshlar 2 guruxga bo'linib o'zaro bellashdilar. Ko'tarinki kayfiyatda o'tkazilgan tadbir haqiqiy sport bayramiga aylanib ketdi. 1 iyun Xalqaro bolalarni himoya qilish kuni arafasida bolalarga bayramona kayfiyat ulashildi. Tadbir so'ngida g'olib jamoa hamda o'quvchi yoshlarga Jismoniy tarbiya va sportni rivojlantirish jamg'armasi Toshkent viloyati filiali tomonidan qimmatbaxo esdalik sovg'alari va faxriy yorliqlar topshirildi.