Toshkent viloyati yosh sportchilari Nurafshon shahar hokimi sovrini uchun kurashdi

O'zbekiston Respublikasi Prezidentining beshta muhim tashabbusining ikkinchi tashabbusi «Yoshlarni jismoniy chiniqtirish, ularning sport sohasida qobiliyatini namoyon qilishlari uchun zarur sharoitlar yaratish hamda aholi orasida ommaviy sportni yanada ko'proq targ'ib qilish» bo'yicha Toshkent viloyati Jismoniy tarbiya va sport boshqarmasi tomonidan bir necha tadbirlar o'tkazilmoqda.

Nurafshon shahar Jismoniy tarbiya va sport bo'limi, BO'SM va  Nurafshon shahar  xalq talimi bo'limi hamkorligida  maktablarda iqtidorli yosh sportchilarni aniqlab olish, yoshlarning bo'sh vaqtlarini to'g'ri tashkil etish, kuchli sportchilarni viloyat, O'zbekiston chempionati va xalqaro musobaqalarga saralab olish maqsadida  shaxmat, stol tennisi, voleybol, basketbol, mini futbol bo'yicha  «Nurafshon shahar hokimi sovrini» uchun chempionat o'tkazildi.

Tadbirda eng yaxshi jamoalar va iqtidorli yoshlar saralab olinib, g'oliblar tegishli darajada diplom, medal va qimmatbaho sovg'alar bilan taqdirlandi.