Toshkent viloyatida 2019 yil jismoniy tarbiya va sport sohasidagi ishlar sarhisob qilindi FOTOGALEREYA

Sport sohasi vakillari ishtirokidagi yig'ilishni viloyat jismoniy tarbiya va sport boshqarmasi boshlig'i vazifasini vaqtincha bajaruvchi Komiljon Adilov kirish so'zi bilan ochib, Toshkent viloyatida 2019 yil mobaynida jismoniy tarbiya va sport sohasida qo'lga kiritilgan yutuq va kamchiliklarni gapirib o'tdi. 

2020 yil Yaponiya poytaxti Tokio shahri mezbonlik qiladigan navbatdagi yozgi olimpiya o'yinlarida viloyat sportchilarining muvaffaqiyatli ishtirokini taminlash masalasiga alohida to'xtalar ekan, bu masalada jiddiy yondoshish kerakligi, xususan O'zbekiston Respublikasi Jismoniy tarbiya va sport vazirligi, Toshkent viloyati hokimligi tomonidan qo'yilgan vazifalarni sidqidildan bajarish lozimligini takidlab o'tdi. 

Yig'ilishda shuningdek, tuman va shaharlar sport bo'limi boshliqlari, jismoniy tarbiya va sport boshqarmasi xodimlarining hisobatlari tinglandi. 

Yig'ilish so'nggida yil davomida faol bo'lgan sport bo'limlari, bolalar-o'smirlar sport maktablari, sport federaciyalari, 2019 yilda sport turlari bo'yicha yuqori natijalarga erishgan sportchilar Jismoniy tarbiya va sport vazirligi hamda Toshkent viloyati hokimligining diplom va esdalik sovg'alari bilan taqdirlanishdi. 

SHu o'rinda takidlash joiz, 2020 yilda Tokio shahrida (Yaponiya) bo'lib o'tadigan XXXII yozgi olimpiya va XVI paralimpiya o'yinlarida ishtirok etish uchun Toshkent viloyatidan ayni paytga qadar etti nafar (4 nafar paralimpiyachi, 3 nafar olimpiadachi) sportchi yo'llanmani qo'lga kiritgan bo'lib, bu ko'rsatkichni yana ham yaxshilab, yo'llanmalar sonini o'ttizdan oshirish rejalashtirilgan. 

Ilhom RAHMONOV tayyorladi