“Toshkent yozi-2016”da g'olib va sovrindorlar malum

O'zbekiston shaxmat federaciyasi mezbonlik qilgan musobaqa hozirgina o'z yakuniga etdi. SHveycarcha tizimda o'tkazilib, 9ta turdan iborat bo'lgan musobaqada mamlakatimiz shaxmatchilaridan tashqari AQSH va Rossiyadan kelgan sportchilar ham o'z imkoniyatlarini sinab ko'rishdi.

Xalqaro ochiq turnir ikki guruhda tashkil etildi. “A” guruhida xalqaro reytingga ega bo'lgan 48 nafar shaxmatchi qatnashdi. Musobaqa yakuniga ko'ra, 7,5 ochko jamg'argan xorazmlik Maqsad Safaev g'oliblikni qo'lga kiritdi. Ikkinchi o'rinni 7 ochko bilan rossiyalik Ruslan Salaev egallagan bo'lsa, kuchli uchlikka aynan shuncha ochko jamg'argan surxondaryolik Inomjon SHoymurodov yakun yasadi.

Reytingi nisbatan past bo'lgan shaxmatchilar “V” guruhida dona surishdi. Jami 101 nafar ishtirokchi jam bo'lgan ushbu guruhda 8 ochko bilan Toshkent viloyati vakili Mamarajab Mamarasulov zafar quchdi. Ikkinchi o'rinni poytaxt viloyati sportchisi Sirojiddin Maxamatov 7,5 ochko bilan band etdi. Poytaxtlik Kamronbek Qoraboev esa 7 ochko bilan uchinchi o'rinni egalladi.