Toshkentda Butunjahon velosiped kuniga bag'ishlangan katta velomarafon o'tkazildi

SHu munosabat bilan, O'zbekiston velosiped sporti Federaciyasi Turkmanistonning O'zbekistondagi elchixonasi bilan hamkorlikda velomarafon tashkil etayotganligi to'g'risida xabar bergandik.

Bugun ushbu sanaga bag'ishlangan bayram Toshkent shahridagi "Ashxobod" bog'ida o'tkazildi. Mazkur tadbir  yurtimizda jismoniy tarbiya va sportni ommalashtirish, aholi, ayniqsa, yoshlar o'rtasida sog'lom turmush tarzini targ'ib qilish, aholi o'rtasida velosportni ommaviylashtirishda katta ahamiyat kasb etadi.

Unda mamlakatimizda faoliyat yuritayotgan diplomatik korpus vakillari, chet el tashkilotlari xodimlari va havaskorlar ishtirok etishdi.

Qizg'in kechgan velopoyganing tantanali ochilish marosimida Turkmanistoning O'zbekistondagi favqulodda va muxtor elchisi janob SHiri SHiriev so'zga chiqib, mazkur musobaqa mamlakatlar o'rtasidagi o'zaro do'stlik rishtalarini mustahkamlashda, sport sohasida turizmni rivojlantirishda, velosiped sportini ommaviylashtirishda muhim o'rin tutishini takidlab o'tdi.

SHundan so'ng Birlashgan Millatlar Tashkiloti va BMT Taraqqiyot dasturining O'zbekiston Respublikasidagi doimiy vakili Elena Freyzer so'z olib, O'zbekistonda sportga bo'lgan etiborning yuksakligi, bugungi tadbir ham katta bayram sifatida tashkillashtirilganligini takidladi. Velosipedning sog'liq, tabiat va jamiyat uchun qanchalik foydali ekanligi haqida gapirdi.

SHuningdek, O'zbekiston Respublikasi Jismoniy tarbiya va sport vaziri SHoakrom Isroilov bugungi bayram bilan barchani tabrikladi.  Velosportni yurtimizda ommaviylashtirish borasida kerakli yordamni ko'rsatishga tayyor ekanligini takidladi.

So'ngra, sanat ustalari ishtirokida madaniy-musiqiy tadbir namoyish etildi. Velopoygada 400 nafarga yaqin ishtirokchi qatnashib, 4,5 km masofani bosib o'tishdi.

O'zbekiston velosiped sporti federaciyasi