Toshkentda Osiyo-Okeaniya sambo uyushmasining Kongressi bo'lib o'tdi

Bugun, 14 aprel kuni Toshkent shahrida Osiyo-Okeaniya uyushmasining navbatdagi Kongressi bo'lib o'tdi.

Mazkur Kongressda tashkilot prezidenti Alamjon Mullaev, O'zbekiston Milliy olimpiya qo'mitasi bosh kotibi Oybek Kasimov, O'zbekiston sambo associaciyasi raisi Alisher Alimov, Xalqaro sambo federaciyasi rasmiylari, Osiyo-Okeaniya sambo uyushmasiga azo mamlakatlar delegatlari ishtirok etishdi.

Kongress davomida bir qator tashkiliy masalalar ko'rib chiqildi. SHu jumladan, tashkilotga yangi prezident saylash masalasi ham kun tartibidan o'rin olgandi.

Unga ko'ra, hamyurtimiz Alamjon To'xtasinovich Mullaev bir ovozdan yangi muddatga tashkilot prezidenti etib saylandi. SHuningdek, Suresh Gopi bosh kotib lavozimidagi faoliyatini davom ettiradigan bo'ldi.

O'zbekiston sambo associaciyasi raisi Alisher Rixsivaevich Alimov tashkilotning Markaziy Osiyo mintaqasi bo'yicha vice-prezidenti lavozimiga saylandi.

Kongress davomida shuningdek tashkilotning boshqa masul lavozimlari uchun ham saylovlar bo'lib o'tdi. Bir qator tashkiliy masalalar ko'rib chiqildi.