Toshkentda sport tibbiyotiga bag'ishlangan katta xalqaro konferenciya boshlandi

Bugun ana shu yirik xalqaro konferenaciya o'z ishini boshladi. Respublika sport tibbiyoti ilmiy-amaliy markazi tashabbusi bilan, Milliy Olimpiya qo'mitasi ko'magida tashkil etilayotgan ushbu tadbir poytaxtimizdagi "City Palace" mehmonxonasida o'tkazilmoqda.

Tadbirni Respublika sport tibbiyoti ilmiy-amaliy markazi rahbari Abdushukur Sodiqov ochib berdi. So'ngra O'zbekiston Milliy olimpiya qo'mitasi Bosh kotibi Jasur Matchanov so'zga chiqdi va O'zbekistonda sport tibbiyotining rivojlanishida Respublika sport tibbiyoti ilmiy-amaliy markazining o'rni beqiyos ekanligi, mazkur konferenciya o'zaro fikr almashish, tajriba orttirish yo'lida o'ziga hos axborot maydoni bo'lishini takidlab o'tdi. Toshkent davlat stomotologiya universiteti rektori Jasur Rizaev ham sport tibbiyoti rivoji yo'lida bir qator muhim ishlar amalga oshirilayotganini aytib o'tdi.

So'ngra tadbirning martabali mehmonlari tomonidan maruzalar boshlandi. Avvaliga markaz direktori, tibbiyot fanlari doktori, professor Abdushukur Sodiqov "O'zbekistonda sport tibbiyotining kecha va buguni" mavzusida chiqish qildi. So'ngra Rossiyadan tashrif buyurgan taniqli akademik, MDH va Boltiqbo'yi davlatlari sport tibbiyoti vrachlari associaciyasi prezidenti Boris Polyaev Rossiya sport tibbiyotining hozirgi zamon yutuqlari haqida gapirib berdi. Yaponiyalik olim, 2020 yilgi Tokio Olimpiya va Paralimpiya o'yinlari tashkiliy hayyat azosi Ishida Xiroyukining "Sportda to'satdan o'limni oldini olish strategiyasi" mavzusidagi maruzasi yig'ilganlarda katta qiziqishga sabab bo'ldi.

Konferenciya davomida yana bir qator muhim mavzulardagi chiqishlar, master-klasslar o'tkazilishi rejalashtirilgan.