Toshkentda velosport bo'yicha navbatdagi musobaqa bo'lib o'tdi

Ushbu turnir mamlakatimizda jismoniy tarbiya va sportni ommalashtirish, yoshlar orasida sog'lom turmush tarzini targ'ib etishga qaratilgani bilan ham ahamiyatlidir.

Qizg'in kechgan bahslar yakuniga ko'ra, Dmitriy Serko birinchi o'rinni egalladi. Ikkinchi va uchinchi o'rinlarni Sergey Gorelikov va Nikita Polchiklar egallashdi. G'olib va sovrindorlarga homiylarning turli esdalik sovg'alari taqdim etildi.

Qo'shimcha sifatida shuni malum qilamizki, «Tashkent» kontinental klubi «TIVOLI GROUP» kompaniyasi rahbari Gao Xin CHjou bilan bir yillik shartnoma imzoladi. Hamkorlik doirasida kompaniya klubga har yili 635 million so'm miqdordagi 10 dona velosiped etkazib beradi. Tomonlar bunday kelishuvni bir necha yil davomida amalga oshirishni rejalashtirishgan.

Malumot uchun, klub bungacha kaska va velosport ekipirovkalari etkazib beruvchi kompaniyalar bilan ham kelishuvga erishgandi.