Toshkentda Xalqaro velosipedchilar kuniga bag'ishlab velomarafon o'tkaziladi

Ushbu kunni O'zbekiston velosiped sporti federaciyasi ham katta hajmda nishonlashni niyat qilgan. SHu maqsadda 2 iyun kuni poytaxtimizda velomarafon o'tkazilishi rejalashtirilgan. Mazkur sport tadbirida Respublikamizning barcha fuqarolari va mehmonlari ishtirok etishi mumkin.

 Takidlash joiz, velosiped ekologik jihatdan eng toza transport vositasi hisoblanib, sog'liq uchun ham eng foydali sport turlaridan biri sanaladi. Velopoyga Toshkent shahrining markaziy ko'chalarida bo'lib o'tadi. Yo'nalish “Beshyog'och”, “Furqat”, “Islom Karimov”, “SHarof Rashidov” va “Afrosiyob” ko'chalari bo'ylab belgilangan bo'lib, poyga davomida ushbu ko'chalarda transport qatnovi vaqtincha to'xtatiladi.

Yo'nalishning umumiy masofasi 5 kilmetrni tashkil etadi. Poyga 2 iyun kuni soat 10:00 da “Humo arena” sport kompleksi oldida boshlanadi. Barchangizni mazkur tadbirda faol ishtirok etishga chorlab qolamiz.

Qo'shimcha malumotlarni olish va murojaat uchun telefon: (71) 231-27-06.