Toshkentda yakunlangan og'ir atletika bo'yicha Osiyo chempionatida medallar jamg'armasi bo'yicha kim birinchi bo'ldi?

Unda O'zbekiston terma jamoasi umumiy ochkolar klassifikaciyasida, shuningdek, erkaklar terma jamoamiz ochkolar borasida eng yaxshi deb topildi.

Musobaqa sarhisobiga bag'ishlangan marosimda Xalqaro og'ir atletika federaciyasi (IWF) prezidenti Muhammad Jalud, O'zbekiston Respublikasi Sport vaziri Adham Ikramov, Sport vazirining o'rinbosari, O'zbekiston og'ir atletika federaciyasi raisining birinchi o'rinbosari SHahrullo Mahmudov, MOQ Bosh kotibi Oybek Kasimov ishtirok etishdi.

3-10 fevral kunlari o'tgan qita birinchiligida Osiyoning eng kuchli jamoalari g'oliblik uchun kurash olib borishdi. Yakunda O'zbekiston erkaklar va ayollar terma jamoalari jami 8 ta oltin, 12 ta kumush va 5 ta bronza medallarini jamg'arishga muvaffaq bo'ldi. SHulardan 7 ta oltin, 7 ta kumush va 1 ta bronza yigitlarimiz ulushiga to'g'ri kelsa, qizlarimiz 1 ta oltin, 5 ta kumush va 4 ta bronza medallariga ega chiqishgan. Quyida ochkolar va medallar bo'yicha kuchli uchlikka kirgan jamoalarni ko'rsatib o'tamiz:

Umumiy ochkolar klassifikaciyasi:

1. O'zbekiston

2. Janubiy Koreya

3. Xitoy Taipeyi

Ochkolar bo'yicha erkaklar jamoalari:

1. O'zbekiston

2. Janubiy Koreya

3. Xitoy Taipeyi

Ochkolar bo'yicha ayollar jamoalari:

1. Janubiy Koreya

2. O'zbekiston

3. Xitoy Taipeyi

Umumiy medallar bo'yicha:

1. KXDR – 32 ta oltin, 1 ta kumush

2. Janubiy Koreya – 12 ta oltin, 5 ta kumush, 10 ta bronza

3. O'zbekiston – 8 ta oltin, 12 ta kumush, 5 ta bronza

Medallar bo'yicha erkaklar terma jamoalari:

1. KXDR – 11 ta oltin, 1 ta kumush

2. O'zbekiston – 7 ta oltin, 7 ta kumush, 1 ta bronza

3. Janubiy Koreya – 4 ta oltin, 1 ta kumush, 2 ta bronza

Medallar bo'yicha ayollar terma jamoalari:

1. KXDR – 21 ta oltin

2. Janubiy Koreya – 8 ta oltin, 4 ta kumush, 8 ta bronza

3. O'zbekiston – 1 ta oltin, 5 ta kumush, 4 ta bronza

Osiyo rekordlari: 9 ta;

Jahon rekordlari: 8 ta.

Eng yaxshi erkak sportchi: Ervin Rahmat (Indoneziya)

Eng yaxshi ayol sportchi: Song Gum Ri (KXDR)