Toshkentdagi "Eko Bog'"da "Sport sayli" o'tkazilmoqda

Ushbu sport bayramida Toshkent shahridagi barcha bolalar-o'smirlar sport maktablari tarbiyalanuvchilari, shahar, Respublika va xalqaro musobaqa g'oliblari ishtirokida sport chiqishlari, boshqacha qilib aytganda «Master klass»lar namoyish etilmoqda.

Tadbir davomida psixologlar guruxi tomonidan turli testlar, sport federaciyalari tomonidan qiziqarli sport o'yinlari ham tashkil qilingan. Unda o'zbek sporti yulduzlari va sport faxriylari yoshlar bilan jonli muloqot olib borishmoqda. Tadbir orqali yoshlarni BO'SMlarga jalb etish, ijtimoiy himoyaga muhtoj oila farzandlari uchun suzish havzalariga mavsumiy imtiyozli yo'llanmalar taqdim etish masalalari ham ko'rib chiqilmoqda.

Ahamiyatlisi, tadbirga ichki nazoratga olingan o'quvchilar, mahallalarda istiqomat qilayotgan uyushmagan yoshlar, jumladan, g'ayri-ijtimoiy muhit, jinoyatchilik va huquqbuzarlikka moyilligi bo'lgan yoshlar ham taklif qilingan.

Mazkur sport bayrami bugun 17:00gacha davom etadi.