Toshkentdagi velotrek qayta rekonstrukciya qilindi, velosportchimizga esa 100 million so'm topshirildi

SHuni alohida takidlash kerak, mazkur musobaqa mamlakat terma jamoasi azolari endilikda muhim xalqaro musobaqalarga puxta tayyorgarlik ko'rishi uchun xalqaro talablar darajasida qayta rekonstrukciya qilingan o'quv-mashg'ulot bazasida o'tkazilmoqda.

Ushbu markaz 1982 yilda qurilgan bo'lib, muhtaram yurtboshimizning joriy yil 4 sentyabr kuni bo'lib o'tgan videoselektor yig'ilishida kelgusi yil Yaponiyaning Tokio shahrida bo'lib o'tadigan XXXII yozgi Olimpiya va XVI Paralimpiya o'yinlariga O'zbekiston sportchilarini munosib tayyorlash hamda respublikamizda har bitta sport yo'nalishi bo'yicha sport bazalarini tashkil etish yuzasidan berilgan topshiriqlari ijrosini taminlash doirasida qayta rekonstrukciya qilindi.

Bugun ushbu markazning tantanali ochilish marosimi o'tkazildi. Unda O'zbekiston Respublikasi Oliy Majlisi Senati raisi, O'zbekiston velosiped sporti federaciyasi prezidenti Tanzila Narbaeva, Jismoniy tarbiya va sport vaziri Dilmurod Nabiev, Milliy Olimpiya qo'mitasi prezidenti Rustam SHoabduraxmonov, Evropa xavfsizlik va hamkorlik tashkilotining O'zbekistondagi koordinatori janob Jon MakGregor, Buyuk Britaniyaning Vestminster universiteti vice-kancleri hamda prezidenti, velosport bo'yicha jahon chempionati g'olibi janob Piter Bonfild, keng sport jamoatchiligi va ommaviy axborot vositalari xodimlari ishtirok etdi.

Dastavval faxriy mehmonlar ramziy tasmani qirqib, xalqaro talablar darajasida qayta rekonstrukciya qilingan Respublika velotrek o'quv-mashq markazini ochib berishdi. SHundan so'ng O'zbekiston velosiped sporti federaciyasining rahbari mehmonlarni bu erda yaratilgan sharoit va qulayliklar bilan birma-bir tanishtirdi. Zamonaviy yotoqxonalar, oshxona, trenajyor zali va eng muhimi, xalqaro talablar darajasidagi velotrek yo'laklari xorijlik mehmonlarda iliq taassurot qoldirdi. Ular mamlakatimizda jismoniy tarbiya va sport sohasiga hukumatimiz darajasida berilayotgan etiborni yuqori baholadi. SHuningdek, faxriy mehmonlar tomonidan bu erda daraxt ekildiki, bu ham milliy qadriyatlarimiz namoyishidir.

- Bunday majmua poytaxtdan tashqari Namangan viloyatida ham barpo etilgan. Yaqin orada Samarqand viloyatida ham zamonaviy velotrek o'quv-mashg'ulotlar markazini qurish ishlari boshlanadi. Umuman, biz kelgusida barcha viloyatlarimizda mana shunday majmualarni barpo etish hamda yurtimizdan ko'plab Osiyo va jahon chempionati g'oliblari, Olimpiya o'yinlari chempionlarini etishtirib chiqarmoqchimiz. Bizda istedodlar etarli, faqat ularga avvalo sharoit va imkoniyatlarni yaratib berishimiz lozim, - dedi O'zbekiston velosiped sporti federaciyasi prezidenti Tanzila Narbaeva.

SHu erning o'zida velosport bo'yicha Tokio-2020 olimpiadasiga ikkinchi licenziyani qo'lga kiritgan mamlakatimiz sporti faxri Murod Xolmurodovga O'zbekiston Respublikasi Prezidenti tomonidan 100 million so'm, uning treneri Rustam Nuritdinovga 50 million so'm miqdorida pul mukofotlari tantanali topshirildi.

SHuningdek, tadbir doirasida velotrek bo'yicha O'zbekiston chempionati g'olib va sovrindorlari ham taqdirlanishdi.