Tuman va shaharlarda o'tadigan musobaqalar bo'yicha “Yo'l xaritasi” ishlab chiqiladi

Yig'ilishda takidlanganidek, O'zbekistondagi har bir tuman va shahar bittadan ustuvor, istiqbolli hamda rivojlanayotgan sport turlariga ixtisoslashtirilgan. Mazkur tizimdan kelib chiqib, hududda yirik musobaqalar o'tkazib turish va salohiyatli sportchilarni tarbiyalash muhimligiga etibor qaratildi. Buning uchun Milliy olimpiya qo'mitasi Jismoniy tarbiya va sport vazirligi bilan hamkorlikda barcha sport federaciyalari faoliyatini tuman va shaharlarga bog'lagan holda tashkil etib, joylarda olimpiya harakatini rivojlantirib boradi.

O'zbekiston Milliy olimpiya qo'mitasida davlatimiz rahbari tomonidan qo'yilgan vazifalar ijrosini taminlash yuzasidan MOQ raisi R.SHoabdurahmonov qo'mitaning masul xodimlari ishtirokida yig'ilish o'tkazdi.

Bugungi kunda Respublika oliy sport mahorati maktablari o'quvchilarini jalb etgan holda viloyatlarda ichki musobaqalar soni va sifatini oshirish, sportga ishtiyoqmand yoshlarni tanlab olish, ularning turnirlarda ishtirokini taminlash, shu orqali sog'lom turmush tarzini keng targ'ib etish muhim masalalar sirasiga kiradi. Qolaversa, musobaqalarga yurtimizdagi mavjud sport maktablari va olimpiya zaxiralari maktab-internatlari o'quvchilarini jalb etish sport turlari bo'yicha terma jamoalarimiz uchun selekciya ishlarini samarali tashkil etish imkonini beradi.

Yig'ilish davomida MOQ rahbari tomonidan respublikamiz tuman va shaharlarida tashkil etiladigan musobaqalar mexanizmi va soni, joylardagi mavjud infratuzilmani o'rganish ishlari, shuningdek, musobaqalar taqvimini shakllantirish bo'yicha “Yo'l xaritasi” ishlab chiqish borasida mutasaddilarga topshiriq va vazifalar berildi.

Kun tartibidagi masalalar yuzasidan Qo'mita Bosh kotibi O.Kasimov, rais o'rinbosarlari S.Polatov, A.Kamilov, SH.Tashmatov, MOQ qoshidagi RSTIAM direktori, professor A.Sadikov o'z fikr-mulohazalarini bildirib o'tishdi.