Turizm va sport vazirligida Tokio-2020 Tezkor shtabi o'z faoliyatini boshladi

Bu safargi musobaqaga bo'lgan qiziqish har qachongidan yuqori, desak mubolag'a bo'lmaydi. CHunki, 32-marotaba o'tkazilayotgan o'yinlarni ishtirokchilar va albatta muxlislar ham ancha uzoq, yani 5 yil kutishdi. Vaholanki, shu paytgacha biron marotaba zamonaviy Olimpiya o'yinlarining muddati o'zgarmagan.

Mazkur o'yinlarning yurtimiz sportchilari uchun ahamiyatli jihati shundaki, Tokiodagi musobaqalar xalqimizning eng ulug' va eng aziz bayrami – O'zbekiston Respublikasi davlat mustaqilligining 30 yillik yubileyi arafasida o'tkazilmoqda. SHu bois har bir sportchimiz kunchiqar yurtdan yorug' yuz bilan qaytib, istiqlol ayyomiga munosib to'yona hozirlashni maqsad qilishgan.

Bo'lajak o'yinlarga bo'lgan qiziqishning yuqori ekanligini inobatga olgan holda Turizm va sport vazirligida tezkor shtab faoliyati yo'lga qo'yildi. Tezkor shtab 2021 yil 17 iyuldan 5-centyabrga qadar faoliyat ko'rsatib, uning oldiga Yaponiyaning Tokio shahrida bo'lib o'tadigan XXXII yozgi Olimpiya va XVI Paralimpiya o'yinlaridagi yurtimiz sportchilarining ishtiroki to'g'ridagi kunlik malumotlarni umumlashtirish hamda ularni keng sport jamoatchiligiga etkazish vazifasi yuklatilgan.

Malumot uchun: Tokio-2020 XXXII yozgi Olimpiya o'yinlarida ishtirok etadigan O'zbekiston delegaciyasi shu yilning 19 iyul sanasida charter reys orqali kunchiqar yurtga jo'nab ketishadi.

Tezkor shtab bilan bog'lanish va kerakli malumotlarni olish uchun quyidagi raqamlarga murojaat qilishingiz mumkin:

(95) 142-73-77,

(95) 143-73-77