Turkiya 60 yil avvalgi Olimpiadagi triumfni nishonlayapti

O'sha paytlarda erkin va yunon-rim kurashi bahslarida 8 tadan medallar jamg'armasi o'ynalardi. Bosfor bo'g'ozi pahlavonlari to'rt yillikning eng nufuzli musobqasida 7 ta oltin, 2 ta kumush medalini qo'lga kiritishgan edi. Rim gilamlaridagi muvaffaqiyatli ishtirok Turkiya kurashi tarixida  erishilgan eng katta g'alaba hisoblanadi. Kuni kecha ushbu tarixiy voqeylikka roppa-rosa 60 yil to'ldi.  

Turkiya erkin kurashchilaridan Mustafa Dagistanli (suratdagi) finaldagi g'alabadan keyin gilamni o'pib, faoliyatini yakunlaganini elon qilgan. U ikki karra Olimpiada, uch karra jahon chempioni bo'lgan. SHuningdek, Ismet Atli, Xassan Gyongor, Axmet Bilek singari polvonlar ham chempionlik yo'lida kuchli raqiblarini mag'lub etib, shoxsupaning eng yuqori pog'onasiga ko'tarilishgandi. 

Turkiya kurash federaciyas prezidenti Musa Aydin Rimdagi tarixiy triumf haqida shunday dedi: "Kurashchilar barcha davrlarda ham Turkiya sportining bayroqdorlaridan bo'lgan. Aynan ular bundan 60 yil avval Rimda tarix yozishgan. Biz hamisha ularni eslaymiz va yoshlarga o'rnak sifatida ko'rsatamiz".

Malumot uchun, turkiyalik sportchilar 1936 yilgi Olimpiadadan to shu kungacha jami 91 ta medal (38 ta oltin, 25 ta kumush, 28 ta bronza) qo'lga kiritishgan. SHulardan 63 medal (29-18-16) aynan kurashchilarga tegishli.