U 22 Osiyo chempionatida 14 ta oltin medal qo'lga kiritgan terma jamoamiz O'zbekistonga qaytib keldi + FOTOGALEREYA

Qitamizning 20 mamlakati qatnashgan ushbu musobaqada O'zbekiston terma jamoasi yigit va qizlari umumiy hisobda 21 ta medal (14 ta oltin, 4 ta kumush, 3 ta bronza) medalini qo'lga kiritib, har jabhada umumjamoa hisobida birinchi bo'lishdi. 

Musobaqada muvaffaqiyatli ishtirok etgan terma jamoamiz azolari bugun Toshkent shahriga qaytib kelishdi. Ular Islom Karimov nomidagi Toshkent xalqaro aeroportida tantanali ravishda kutib olindi. Kutib olish marosimida Yoshlar siyosati va sport vaziri o'rinbosari Murod Ismoilov, MOQ raisi o'rinbosari va O'zbekiston boks federaciyasi raisining birinchi o'rinbosari Saken Polatov, sportchilarimizning yaqinlari, muxlislar va OAV vakillari ishtirok etishdi. 

Qayd etish lozimki, murabbiylar Akmal Hasanov va Elshod Rasulov boshchiligidagi yigit-qizlarimiz Bangkokka 24 nafar bokschi bilan yo'l olishgandi. Ularning 21 nafari O'zbekistonga medal bilan qaytganini alohida etirof etish lozim.