"U jang qilishi shart emas. Konorda barchasi bor". Jons Makgregorning qaytishi haqida gapirdi

"Konor jang qilishi shart emas. Uning allaqachon hamma narsasi bor. Men uning qaytish qarorini juda hurmat qilaman. Bu uning qalban hali ham jangchi ekanini ko'rsatadi.

Men ham muayyan darajaga erishdim va faoliyatimni yakunlashga qaror qildim. Ammo Konor qaytmoqda. Bu esa uning ushbu sportni naqadar qattiq sevishini va barcha muvaffaqiyatlariga qaramay, hali ham haqiqiy jangchi bo'lib qolayotganini yana bir bor tasdiqlaydi.

Men unga muxlislik qilaman, u bilan faxrlanaman va uni ajoyib inson deb hisoblayman.

Uning sportimizda qanday biznesmenga aylangani jangchilarga muhim namuna bo'ldi. U bizga faqat sportchi bo'lib qolmasligimiz mumkinligini ko'rsatdi. Biz o'z nomimizni yanada kattaroq narsaga aylantira olamiz.

Men uning katta muxlisiman va, ehtimol, umrimning oxirigacha shunday bo'lib qolaman. Uning hayotida ham mendagidek qiyinchiliklar, ko'tarilishlar va pasayishlar bo'lgan. Ammo u har safar yana oyoqqa tura olgan. Bu esa juda ko'p odamlar uchun ajoyib namunadir", — dedi Jons Red Corner MMA nashriga bergan intervyusida.