Uch nafar o'zbek sportchisiga "Gentra" avtomobili sovg'a qiliindi + FOTO

Bu yutuqlarga Toshkent viloyati sportchilari ham o'zlarining salmoqli ulushini qo'shib kelmoqda.

Kelgusi yil Yaponiyaning Tokio shahri mezbonlik qiladigan XXXII yozgi Olimpiya o'yinlariga Toshkent viloyatidan uch nafar sportchi yo'llanmani qo'lga kiritishgan. Bular – og'ir atletikachi Akbar Jo'raev, bokschilar Elnur Abduraimov hamda Tursunoy Rahimova.

Bugun Toshkent viloyati hokimligida ushbu sportchilarni taqdirlash marosimi bo'lib o'tdi. Tadbirda viloyat hokimi, senator Rustam Xolmatov ishtirok etib, xalqaro maydonlarda mamlakatimiz sharafini munosib himoya qilib kelayotgan sportchilar, ularning ota-onalari hamda ustozlariga minnatdorlik bildirdi.

SHundan so'ng Tokio-2020 licenziantlariga “Gentra” rusumli avtomobil kalitlari topshirildi. Faqat, Elnur Abduraimov ayni vaqtda AQSHda bo'lib turgani va professional boksda navbatdagi jangiga tayyorgarlik ko'rayotganligi bois uning nomidan sovg'ani otasi Nurgali Abduraimov qabul qilib oldi.

SHuningdek, tadbirda boks bo'yicha O'zbekiston terma jamoasi murabbiyi To'lqin Qilichev, boks murabbiyi, Olmaliq shahar BO'SM direktori Ozod Hasanov hamda trener Azamat Turopovlar ham hokim sovg'asi – Noutbuk bilan taqdirlandi.

Tadbirdan olingan suratlarni tomosha qiling: