UFC 302. Aleksandr Aleksandrning o'rnini egallaydi

Oqshomning og'ir vazn toifasidagi juftligida jangchi o'zgardi. Reytingning 13-pog'onasidan joy olgan Aleksandr Romanov rossiyalik Aleksandr Volkovning o'rnini egalladi. U endi reytingning ettinchi raqamli jangchisi braziliyalik Jailton Almeydaga qarshi oktagonga chiqadi. 

Aleksandr Volkov 22 iyun kuni Saudiya Arabistoni poytaxti Ar-Riyod shahrida o'tkaziladigan UFC on ABC 6 turnirida vatandoshi Sergey Pavlovichga qarshi jang o'tkazadi. 

Malumot uchun, moldovalik 33 yoshli Aleksandr Romanov o'tgan yilning iyul oyida bolgariyalik Blagoy Ivanovni ochkolar hisobiga ko'ra mag'lubiyatga uchratgan edi. Ungacha Ivanov ketma-ket ikki jangda Marchin Tibura (ochkolar bo'yicha) va Aleksandr Volkov (texnik nokaut)ga imkoniyatni boy bergandi.

Braziliyalik 32 yoshli Jailton Almeyda esa so'nggi jangida Kertis Bleydsga ikkinchi raundda texnik nokaut bilan yutqazib qo'ygandi. Bu Jailtonning ilk mag'lubiyati edi. Ungacha Almeyda tashkilotda 6 ta jangning barchasida zafar quchgandi. Janglarning 5 tasida raqiblarini muddatidan avval taslim etgandi.