UFC 327: Oltita "finish" qayd etilgan Proxazka - Ulberg oqshomining barcha natijalari

Oqshomning asosiy jangi yarim og'ir vazn toifasida vakant bo'lib turgan chempionlik kamari uchun kechdi. Unda Yangi Zelandiya vakili Karlos Ulberg chexiyalik sobiq chempion Irji Proxazkaga qarshi oktagonga ko'tarildi. Jang biroz kutilmaganda Karlosning texnik nokautli g'alabasi bilan yakunlandi. Irji jang davomida jarohat olgan raqibiga rahm qilib urmagani va buning uchun jazolanganini takidladi. 

Turnirning ahamiyati jihatidan ikkinchi jangida ham yarim og'ir vazn toifasi vakillari o'zaro to'qnash keldi. Rossiyalik Azamat Murzakanov faoliyatidagi ilk mag'lubiyatini qabul qilib oldi. U uchinchi raundda braziliyalik Paulo Kostaga texnik nokaut bilan yutqazib qo'ydi.

Og'ir vazn jangchisi Jon Xokit tajribali Kyortis Bleydsni hakamlar qaroriga ko'ra taslim etdi. UFC rahbari Dana Uayt jangdan keyin Xokit endi Derrik Lyuisga qarshi Oq uydagi turnirda oktagonga chiqishini elon qildi. Bu bilan 14 iyundagi Oq uy turniri kardiga yana bir jang qo'shildi. 

UFC 327 turnirining barcha natijalari:

Yarim og'ir vazn: Karlos Ulberg Irji Proxazkani 1-raundda texnik nokautga uchratdi 

Yarim og'ir vazn: Paulo Kosta Azamat Murzakanovni 3-raundda texnik nokaut evaziga engdi

Og'ir vazn: Josh Xokit Kyortis Bleydsni hakamlarning yakdil qarori bilan yutdi (29-28, 29-28, 29-28).

Yarim og'ir vazn: Dominik Reyes Jonni Uokerni hakamlarning ayri qarori bilan taslim etdi (29-28, 28-29, 29-28).

Yarim engil vazn: Kab Svonson Neyt Landverni 1-raundda texnik nokaut bilan mag'lubiyatga uchratdi 

Yarim engil vazn: Aaron Piko Patrisio Pitbulni ochkolar bo'yicha engdi (30-27, 30-27, 29-28).

Yarim o'rta vazn: Kevin Xolland Rendi Braun ustidan ochkolar hisobi bo'yicha zafar quchdi (30-27, 30-27, 30-27).

Engil vazn: Mateush Gamrot Esteban Ribovichni 2-raundda bo'g'ish usuli bilan yutdi

Ayollar minimal vazn: Tatyana Suares Lupita Godinesni 2-raundda bo'g'ib qo'ydi

Engil vazn: Markvel Medeyrush - Kris Padilya jangi durang natija bilan tugadi (29-27, 28-28, 28-28).

O'rta vazn: Visente Lyuke Kelvin Gastellumni 1-raundda bo'g'ish usulida taslim etdi

Yarim o'rta vazn: CHarlz Radtke Fransisko Pradoni hakamlar qarori evaziga engdi (30-26, 30-26, 30-26).