UFC Fight Night 185: Tarozi marosimida 4 ta ortiqcha vazn, 1 ta rekord va bir bekor qilingan jang

Bugun esa UFC Fight Night 185 turniri ishtirokchilari ananaga muvofiq tarzda tarozidan o'tish hamda ko'z urishtirish marosimlarida hozir bo'lishdi. UFC Apex arenada o'tkaziluvchi oqshomning markaziy jangi og'ir vaznda Kyortis Bleyds va Derrik Lyuis o'rtasida o'tkaziladi. Bleyds 117,4, Lyuis esa 119,2 kg tosh bosdi.

Etiborga molik jihati shundaki, turnirning jami 30 jangchisidan 4 nafari tarozi marosimida belgilangan vazn meyorini bajara olmadi. Yarim engil vazn toifasi vakili Rafael Alves esa bu borada rekord ham qayd etdi. U belgilangan vazndan 11.5 funt, taxminan 5 kilogramu 200 gramm og'irroq chiqdi. Bu tashkilotning yangi antirekordi hisoblanadi. Buning natijasida Rafaelning Pet Sabatiniga qarshi jangi bekor qilindi. 

SHu paytgacha bu borada UFC tarixidagi antirekord Entoni Jonsonga tegishli edi. Uning 2012 yilda Vitor Belfortga qarshi o'tkazishi lozim bo'lgan jangidan oldingi vazni meyordan 11 funt ortiqcha chiqqandi. 

SHuningdek, ertangi janglari oldidan Ketlin Vieyra, Jared Gordon va Drako Rodriges ham talab darajasidagi vazn meyorini bajara olishmadi. Endi jarima sifatida ularning gonorarlaridan kamida 20 foiz miqdorida olib qolinadi. 

Tarozi natijalari:

Asosiy kard

Kyortis Bleyds (117,4 kg) – Derrik Lyuis (119,2 kg).

Yana Kunickaya (61,2 kg) – Ketlin Viera (62,5 kg).

Aleksey Oleynik (108,8 kg) – Kris Dokos (106,1 kg).

Nassurdin Imavov (185.5 funt) – Fil Xous (185 funt)

Andrey Orlovskiy (249.5 funt) – Tom Aspinall (244.5 funt)

Prelium kard

Denni CHaves (145 funt) – Jared Gordon (150 funt)

Drakkar Kloze (156 funt) – Luis Penya (155.5 funt)

Jon Kastaneda (136 funt) – Eddi Vaynlend (135.5 funt)

Julian Erosa (145.5 funt) – Neyt Landver (146 funt)

Rafael Alves (157.5 funt) – Pet Sabatini (145.5 funt) jang bekor qilindi

SHena Dobson (126 funt) – Keysi O'Nill (125.5 funt)

Jamall Emmers (145.5 funt) – CHes Skelli (146 funt)

Drako Rodriges (140.5 funt) – Eyemann Zaxabi (136 funt)

Sergey Spivak (245 funt) – Jared Vanderaa (265 funt)