29 mar 10:31
Yangiliklar

Boks/MMA

UFC Fight Night 222. Markaziy jang uchun poster elon qilindi + FOTO

23 aprel kuni AQSHning Nevada shtati Las-Vegas shahrida navbatdagi UFC turniri bo'lib o'tadi.

UFC Fight Night 222 oqshomining markaziy jangi og'ir vazn toifasida rossiyalik Sergey Pavlovich hamda amerikalik Kyortis Bleyds o'rtasida bo'lib o'tadi. UFC ushbu jang uchun rasmiy posterni elon qildi.

Malumot uchun, Sergey Pavlovich ayni paytda og'ir vaznlilar UFC reytingida uchinchi, Bleyds esa to'rtinchi o'rinni egallab turibdi.

Rossiyalik aralash yakkakurash ustasi so'nggi jangini o'tgan yilning dekabr oyida avstraliyalik Tai Tuivasaga qarshi o'tkazib, nomdor raqibini birinchi raundning o'zida nokautga uchratgandi. Kyortis Bleyds esa 2022 yilning iyul oyida Tom Aspinalldan ustun kelgandi. O'shanda Tom birinchi raundda jarohat olib, jangni davom ettira olmagan edi.