UFC Fight Night 223. Markaziy jang muddatidan avval yakunlandi

UFC Fight Night 223 oqshomining markaziy jangi engil vazn toifasida xitoylik Yadong Song (20-7-1) hamda amerikalik Riki Simon (20-4-0) o'rtasida o'tkazildi. To'rtinchi raundning so'nggi soniyasida Song raqibini chap qo'lda yo'llagan kuchli zarbasidan so'ng nokdaun holatiga tushirdi. Beshinchi raundda Yadong chap qo'l xuk zarbasi bilan Rikini muvozanatdan chiqardi. Referi Xerb Din beshinchi raundning 70-soniyasida jangni to'xtatishga majbur bo'ldi. 

Jang yakunlanganidan so'ng Yadong Song intervyu berib, keyingi raqibi sifatida SHon O'Melli yoki Marlon Verani ko'rish istagida ekanini malum qildi. Uch yil oldin Song Verani hakamlar qaroriga ko'ra mag'lubiyatga uchratgan edi.