UFC Fight Night 239. Markaziy jang birinchi raunddayoq yakunlandi

UFC Fight Night 239 oqshomining markaziy jangi og'ir vazn toifasida o'tkazilib, unda polshalik Marchin Tibura avstraliyalik Tay Tuivasaga qarshi oktagonga ko'tarildi. Tibura Mahmud Muradovning jamoadoshi hisoblanadi. Jang birinchi raunddayoq yakuniga etdi. Marchin raqibini bo'g'ish usuli bilan mag'lubiyatga uchratdi. 

SHu tariqa, Tibura faoliyatidagi 25-g'alabasini qo'lga kiritdi. Hisobidagi mag'lubiyatlari soni 8 taligicha qoldi. Polshalik aralash yakkakurash ustasi bundan avvalgi jangida Tom Aspinallga texnik nokaut evaziga yutqazib qo'ygandi.

O'z o'rnida Tuivasa bugun faoliyatidagi sakkizinchi mag'lubiyatini qabul qilib oldi. Uning hisobida 14 ta g'alaba bor. Bu avstraliyalik jangchi uchun ketma-ket to'rtinchi mag'lubiyat bo'ldi. Bundan avvalgi ikki jangida u rossiyaliklar Aleksandr Volkov va Sergey Pavlovichga yutqazib qo'ygandi.