19 may 09:09
Yangiliklar

Boks/MMA

UFC Fight Night 241 turnirining barcha natijalari bitta xabarda

Xabar berganimizdek, bugun tong saharda AQSHning Nevada shtati Las-Vegas shahrida navbatdagi UFC turniri bo'lib o'tdi.

UFC Fight Night 241 oqshomining markaziy jangi yarimengil vazn toifasida angliyalik Leron Myorfi hamda braziliyalik Edson Barboza o'rtasida o'tkazildi.To'liq besh raund davom etgan jang yakunida Myorfi hakamlarning yakdil qarori bilan 49-46, 50-45, 50-45 hisoblarida g'alaba qozondi.

Turnirning so-main event jangida esa amerikalik Kalinn Uilyams birinchi raunddayoq Karlston Xarrisni nokautga uchratdi. Biz uchun tanish bo'lgan Abusupyan Magomedov (26-6-1) ushbu turnirda Uorli Alves (15-8)ga qarshi oktagonga chiqdi. Germaniya sharafini himoya qilayotgan Abus uch raund to'liq davom etgan jangda hakamlarning yakdil (30-26, 30-26, 30-26) qarori bilan zafar quchdi.

Boshqa janglarning natijalariga to'xtaladigan bo'lsak, Xaos Uilyams (15-3) birinchi raunddayoq Karlston Xarris (19-6)ni nokautga uchratdi. Temba Gorimbo (13-4) ochkolar hisobiga ko'ra Ramiz Braximay (10-5)ni engdi. Adrian Yanez (17-5) birinchi raunddayoq Vinisius Salvador (14-7)dan ustun keldi. Anjela Xill (17-13) ikkinchi raundda raqibasi Luana Pinero (11-3)ni bo'g'ib qo'ydi.

SHuningdek, UFC Fight Night 241 turnirida Vanessa Demopulos Emili Dyukotni, Tom Nolan Viktor Martinesni, Oumar Su Tuko Tokkosni, Melissa Gatto Tamires Vidalni, Ariani Karnelossi Pera Rodrigesni, Xeyli Alateng Kleydson Rodrigesni mag'lubiyatga uchratdi.

Havola :

Reyting: