19 may 07:45
Yangiliklar

Boks/MMA

UFC Fight Night 241 turnirining markaziy jangi to'liq 5 raund davom etdi

Bugun tong saharda AQSHning Nevada shtati Las-Vegas shahrida navbatdagi UFC turniri bo'lib o'tdi.

UFC Fight Night 241 oqshomining markaziy jangi yarimengil vazn toifasida angliyalik Leron Myorfi hamda braziliyalik Edson Barboza o'rtasida o'tkazildi.To'liq besh raund davom etgan jang yakunida Myorfi hakamlarning yakdil qarori bilan 49-46, 50-45, 50-45 hisoblarida g'alaba qozondi.

Bu Leron Myorfi uchun faoliyatidagi 14-g'alaba bo'ldi. Tajribali Barboza esa bugun 12-mag'lubiyatini qabul qilib oldi. MMAdagi g'alabalari soni 24 taligicha qoldi. Turnirning so-main event jangida amerikalik Kalinn Uilyams birinchi raunddayoq Karlston Xarrisni nokautga uchratdi.