UFC loyihasi sifatida qaraladigan Diego Lopes 3 soatda jangni qabul qilgan Den Igega qarshi oktagonga chiqdi

Jangda yarim engil vazn toifasi reytingida o'n uchinchi o'rinni egallab turgan amerikalik Den Ige o'n to'rtinchi pog'onadagi Braziliya vakili Diego Lopesga qarshi oktagonga ko'tarildi.

Bellashuv to'liq 3 raund davom etdi. Unda Diego Lopes ochkolar hisobiga ko'ra hakamlarning yakdil qarori bilan g'olib deb topildi. 

Qayd etish joiz, aslida, bugun Diego Lopesga tajribali Brayan Ortega raqiblik qilishi zarur edi. Biroq u jarohat sababli jangda ishtirok eta olmadi. Jangga 3 soat qolganida esa Den Ige bu chorlovni qabul qildi.