UFC on ESPN 19. Asosiy kard jangida Dolidze g'alabaga erishdi + FOTO

Biroz avval asosiy karddan o'rin olgan janglarning biri yakunlandi. UFC Fight Night (on ESPN 19) turniri "UFC Apex" stadionida o'tkazilmoqda. Yarimog'ir vazn toifasida o'tgan ushbu jangda gruziyalik 32 yoshli Roman Dolidze braziliyalik 27 yashar Jon Allan Artega qarshi oktagonga ko'tarildi.

Uch raundga mo'ljallangan jang to'liq davom etdi va g'olib hakamlar qaroriga ko'ra aniqlandi. Hakamlarning biri Artega, ikki nafari Roman Dolidzega g'alabani taqdim etdi - 28-29, 30-27, 29-28. 

Bu gruziyalik jangchining UFC promoushenidagi ikkinchi g'alabasi bo'ldi. U debyut jangida rossiyalik Xadis Ibragimovni mag'lubiyatga uchratgan edi. Dolidze MMAda o'tkazgan 8 ta jangining barchasida zafar quchgan. Jon Allan esa bugun 7-mag'lubiyatini qabul qilib oldi.