16 apr 09:26
Yangiliklar

Boks/MMA

UFC on ESPN 44. Maks Xolluoey ishtirokidagi markaziy jang to'liq davom etdi FOTOGALEREYA

Bugun tong saharda AQSHning Missuri shtati Kanzas-Siti shahrida navbatdagi UFC turniri bo'lib o'tdi.

UFC on ESPN 44 oqshomining markaziy jangi yarimengil vazn toifasida sobiq chempion Maks Xollouey hamda Arnold Allen o'rtasida o'tkazildi. Jang to'liq 5 raund davom etdi va yakunda hakamlarning yakdil qarori bilan tajribali Xollouey ochkolar hisobiga ko'ra g'alaba qozondi.

Eslatib o'tamiz, Maks Xollouey bundan avvalgi jangida divizionning amaldagi chempioni Aleks Volkanovskiga ochkolar bo'yicha yutqazgan edi. 31 yoshli Maks hisobida 24 g'alaba va 7 mag'lubiyat bor.

Etiborlisi, 10 ta g'alabali seriya bilan kelayotgan Arnold Allenning yurishi to'xtatildi. Britaniyalik professional faoliyatida 19 ta g'alaba va 2 ta mag'lubiyat qayd etgan.