UFC Parijga qaytish sanasi rasman elon qilindi

Franciya poytaxtidagi turnir 5 sentyabr kuni bo'lib o'tadi. 2022 yildan beri tashkilot har yili sentyabr oyida Franciya poytaxtida musobaqa tashkil etadi va unga 15 mingdan ziyod tomoshabin keladi. So'nggi tadbir Parijdagi barcha UFC turnirlari orasida tomoshabinlar soni bo'yicha rekord o'rnatgan, o'shanda 16 mingga yaqin muxlis Nassurdin Imamov va Kayo Borralo o'rtasidagi oqshomning asosiy jangini tomosha qilish uchun kelgandi. O'sha jangda Franciya sharafini himoya qilayotgan dog'istonlik aralash yakkakurash ustasi hakamlarning yakdil qarori bilan g'alaba qozongan edi.

Franciyalik jangchilar Parijda o'tgan turnirlarning asosiy janglarida uch marotaba zafar quchishgan. Faqat bitta jangda mag'lubiyat qabul qilib olingan. Bu 2024 yilda Renato Moykanoga muddatidan oldin mag'lub bo'lgan Benua Sen-Deni edi. O'tgan yili Sen-Deni mag'lubiyatini g'alaba bilan yopib ketdi. U Maurisio Ruffini ochkolar hisobiga ko'ra taslim etdi. 

Parijdagi to'rtta UFC turniridan ikkitasining asosiy jangi Siril Gan ishtirokida kechgan. Og'ir vazn toifasi vakili bu janglarda Sergey Spivak va Tay Tuivasni nokaut evaziga mag'lub etgandi. Siril shu dam olish kuni Oq uy yaqinidagi turnirda og'ir vazn toifasida vaqtinchalik UFC chempioni unvoni uchun Aleks Pereyraga qarshi oktagonga chiqadi.