UFC qanday qilib ikki jamoadosh - Guskov va Uokerni jangga qo'ydi? Bogdanning o'zi javob berdi

Yarim og'ir vazn toifasida UFC reytingida 13-o'rinni egallab turgan 32 yoshli sportchi keyingi jangini 2025 yilning 18 yanvar kuni UFC 311 turniri doirasida braziliyalik sobiq jamoadoshi Jonni Uokerga qarshi o'tkazadi.

"Hozir men top-15dagi birortasi bilan jang qila olmayman, chunki hammasi band yoki jarohatlangan. Yaqinda jang qilganlari ham etarlicha. Jonni men bilan jang uchun shartnomaga imzo chekdi. O'z navbatida men ham buni inkor qilmadim. Bu shunday sodir bo'ldi. Umuman olganda, jangdan keyin o'rtamizdagi munosabatga sovuqchilik tushadi, deb o'ylamayman. Biz gaplashishda davom etamiz. Bu shunchaki jang. U mag'lubiyatli seriyasini yopishi kerak, men reytingda ko'tarilishim kerak. Ertami-kechmi bu baribir yuz berardi. 

U mening to'yimga kelgan. Avvallari biz ko'p marta musobaqalashganmiz. Biz yaqin va yaxshi munosabatdamiz. Uning ukasi bilan (Uolter Uoker nazarda tutilmoqda) ham doim shug'ullanamiz. Jismoniy tomondan olib qaraganda, bu jang men uchun unchalik ko'p qiyinchilik tug'dirmaydi. Lekin psixologik tomondan olib qarasak, unga tayyorlanish qiyinroq", dedi Bogdan Guskov.