17 apr 10:14
Yangiliklar

Boks/MMA

UFC rasman Volkov ishtirokidagi jangni tasdiqladi + POSTER

Rossiyalik UFC jangchisi Aleksandr Volkovning 5 iyun kuni oktagonga chiqishi haqida xabar bergan edik.

UFC matbuot xizmati ushbu jang rasman tasdiqlanganini elon qildi. Volkov 5 iyun kuni Jairzino Rozenstraykka qarshi oktagonga chiqadi. Ushbu to'qnashuv o'sha kungi UFC turnirining markaziy jangi bo'ladi.

Volkov so'nggi jangini 19 mart kuni Londonda UFC Fight Night 204 turniri doirasida britaniyalik Tom Aspinallga qarshi o'tkazib, kutilmaganda birinchi raundning o'zida mag'lubiyat alamini totib ko'rgan edi. Rossiyalik hisobida 34 g'alaba va 10 mag'lubiyat bor.

Rozenstrayk esa so'nggi jangini 2021 yilning sentyabr oyida Kyortis Bleydsga qarshi o'tkazgandi. UFC 266 turniri doirasidagi o'sha jangda Kyortis ochkolar hisobiga ko'ra g'alaba qozongandi. Uning hisobida 12 g'alaba va 3 mag'lubiyat bor.