UFC Vegas 89. Darya Jeleznyakova UFC`dagi debyut jangini o'tkazdi (+Hakamlar xujjatidan ko'chirma)

UFC Vegas 89 turnirining prelim kardidan o'rin olgan janglarning birida rossiyalik Darya Jeleznyakova meksikalik Montserrat Rendonga qarshi oktagonga ko'tarildi. To'liq uch raund davom etgan jangda Darya hakamlarning yakdil qarori bilan ochkolar hisobiga ko'ra g'alaba qozondi.  

Bu Jeleznyakova uchun dunyoning eng kuchli promoushenidagi debyut jang edi. U bugun MMAdagi 9-g'alabasini tantana qildi. Rendon esa bugun faoliyatidagi ilk mag'lubiyatini qabul qilib oldi. Oqshomning markaziy jangi ayollar o'rtasida minimal vazn toifasida sobiq UFC chempioni Rouz Namayunas hamda Amanda Ribas o'rtasida bo'lib o'tadi. 

UFC Vegas 89 asosiy kardi:

Amanda Ribas — Rouz Namayunas;

Karl Uilyams — Jastin Tafa;

Edmen SHaxbazyan — Ey Jey Dobson;

Peyton Telbott — Kameron Saayman;

Billi Kuarantillo — Yussef Zalal;

Fernando Padilya — Luis Paxuelo.