UFC Vegas 89. Oqshomning markaziy jangi g'olibini hakamlar aniqlab berishdi

Oqshomning markaziy jangi to'liq besh raund davom etdi. Ayollar o'rtasida minimal vazn toifasida kechgan ushbu jangda braziliyalik Amanda Ribas (12-5-0) amerikalik sobiq UFC chempioni Rouz Namayunas (15-6-0)ga qarshi oktagonga chiqdi.

Besh raundlik jang yakunida 31 yoshli Namayunas hakamlarning yakdil qarori bilan g'alaba qozondi. U o'zining bundan avvalgi jangini 2023 yilning sentyabr oyida Manon Fyoroga qarshi o'tkazib, ochkolar hisobiga ko'ra mag'lub bo'lgan edi. Amanda Ribas esa 2023 yil noyabr oyida Luana Pinheironi taslim etgandi. 

"Raqibam o'zini yaxshi tomondan ko'rsata oldi. Uning chap oyog'i ancha kuchli edi. Lekin tajribam evaziga bugun g'alaba qozondim. Endi Manon Fyoroning jangini kuzataman. Keyingi jangimni aynan unga qarshi o'tkazishni istayman. Mag'lubiyat uchun revansh olishim lozim", - dedi Rouz bugungi jangidan keyin oktagonning o'zida bergan intervyusida.