UFC`dan haydalgan Muhammad Mokaevning faoliyatini qaysi ligada davom ettirishi malum

Endi u faoliyatini Brave CF ligasida davom ettiradi. Bu xabarni shaxsan promoushen prezidenti Muhammad SHaxid tasdiqladi. Brave CF shtab-kvartirasi Bahraynda joylashgan. 

"Mokaevga nisbatan nohaqlik bo'ldi. Unga tayinli ayblov ham qo'ya olishmadi. Xarakterni sabab sifatida ko'rsatishyapti. Bo'lar ish bo'ldi. Dunyoning eng kuchli jangchilaridan biri bilan shartnoma imzolaganimizdan xursandmiz. Uning yana safimizga qaytishi shunchaki fantastika! Muhammadning promoushenimiz imidjini yanada ko'tarilishi uchun xizmat qilishiga ishonaman", - dedi Brave CF prezidenti. 

Eslatib o'tamiz, Mokaev 27 iyul kuni Manchester shahrida o'tgan UFC 304 turnirida dunyoning kuchli ligasidagi ettinchi g'alabasini qo'lga kiritgandi. O'shanda u Manel Kapeni ochkolar hisobiga ko'ra mag'lubiyatga uchratgan edi. Reytingning oltinchi pog'onasini egallab turgan britaniyalik 24 yoshli aralash yakkakurash ustasi o'sha jangdan keyin ligadan chellatilgandi.