UFC'ga o'ta olmagan Anvar Boynazarovning navbatdagi raqibi va jang sanasi malum bo'ldi

O'zbekistonlik MMA jangchisi, sobiq muay-tay ustasi Anvar Boynazarov (3-1)ning navbatdagi jangi bo'yicha tafsilotlar malum bo'ldi.

Unga ko'ra, hamyurtimiz amerikalik UFC jangchisi Xorxe Masvidal egalik qiluvchi IKON Fighting Championship ligasida jang qiladi. Boynazarovning jangi 2 dekabr kuni Orlandoda bo'lib o'tadi. O'sha kuni Anvarga tojikistonlik Behzod Usmonov (10-4) raqiblik qilishi kutilmoqda.

Qayd etish lozim, bu Anvar Boynazarov uchun yangi promoushendagi ilk jang hisoblanadi. U o'zining so'nggi jangini UFC'ga yo'llanma beruvchi — Dana White Contender Series turnirida venesuelalik Erik Silva (8-2)ga qarshi o'tkazib, ilk raunddayoq texnik nokaut bilan mag'lub bo'lgan edi.