14 iyu 11:15
Yangiliklar

Tennis

Uimbldon. Ayollar o'rtasidagi juftlik turnirida g'olibalar aniqlandi

London shahrida yakuniga etgan tennis bo'yicha "Katta Dubulg'a" turkumiga kiruvchi Uimbldon turnirining so'nggi kuni ayollar o'rtasidagi juftlik bahslari bo'lib o'tdi.

Hal qiluvchi final uchrashuvida rossiyalik Veronika Kudermetova va belgiyalik Elize Mertens hamkorligi Xitoy Taypeyi vakioasi Se Su-Vey hamda latviyalik Alyona Ostapenko juftligini uch set natijasiga ko'ra mag'lubiyatga uchratdi - 3/6, 6/2, 6/4.

Qizig'i, bo'lajak chempionlar uchinchi setda 2/4 hisobida ortda qolishayotgandi. Final bahsi 2 soatu 23 daqiqa davom etgan. Kudermetova/Mertens tandemi 4 ta eys, 7 ta breykka erishib, 3 ta qo'shxatoga yo'l qo'ydi.

Kudermetova faoliyatida ilk bor "Katta Dubulg'a" sovrinini qo'lga kiritdi. Mertensda bunday sovrinlar soni 5 taga etdi. CHempionlar 2000 reyting ochkosi hamda 680 000 funt sterlingga ega chiqishdi. Se va Ostapenko esa 1300 ochko hamda 345 000 funt mukofot pulini qo'lga kiritishdi.