04 iyu 13:38
Yangiliklar

Tennis

Uimbldon. Iga Svyontekning yurishi davom etmoqda

Dunyoning to'rtinchi raketkasi bo'lib turgan Iga Svyontek "Katta Dubulg'a" turkumiga kiruvchi Uimbldon turnirining uchinchi davra ishtirokchisiga aylandi.

Polshalik tennis malikasi ikkinchi davrada WTA reytingida 208-pog'onada borayotgan amerikalik Keti Maknellini irodali g'alaba evaziga mag'lub etdi. - 5/7, 6/2, 6/1. Bu bilan Iga tennischilarning o'zaro uchrashuvlari hisobida ham oldinga chiqib oldi - 2:1.

Ikki soatu 26 daqiqa davom etgan bahsda Svyontek 5 tadan eys va breykni amalga oshirib, 2 ta qo'shxatoga yo'l qo'ydi. Endi Iga uchinchi bosqichda Daniel Kollinzga qarshi kortga chiqadi. Amerikalik tennischi o'z o'rnida ikkinchi bosqich uchrashuvida sloveniyalik Veronika Eryavecdan 6/4, 6/1 hisobida ustun keldi.