Uimbldon. Jokovich - Alkaraz uchrashuvi g'olibi besh setda aniqlandi + FOTO

So'nggi final uchrashuvi erkaklar o'rtasidagi yakkalik bahsi bo'lib, unda dunyoning birinchi raketkasi, ispaniyalik Karlos Alkaraz musobaqaning amaldagi g'olibi, sayyoramizning ikkinchi raqamli tennischisi, serbiyalik Novak Jokovichga qarshi kortga chiqdi. 

Final o'z nomiga mos bo'ldi. Besh set davom etgan uchrashuvda Alkaraz 1/6, 7/6(6), 6/1, 3/6, 6/4 hisoblarida g'alaba qozonib, Uimbldon-2023 chempioniga aylandi. Bosh sovrin sohibini aniqlab bergan uchrashuv 4 soatu 45 daqiqa davom etdi. Uchinchi setning beshinchi geymi 27 daqiqaga cho'zildi.   

Karlos ikki haftalik mehnatidan 2000 reyting ochkosisi hamda 2 350 000 funt sterling (3 million dollardan ko'proq) ishlab oldi.