Uimbldon. Jokovichning finaldagi raqibi malum bo'ldi + FOTO

Unda sayyoramizning birinchi raketkasi, ispaniyalik Karlos Alkaraz hamda ATR reytingida 3-o'rinni egallab turgan rossiyalik Daniil Medvedev o'zaro to'qnash kelishdi. 

Bir soatu 52 daqiqa davom etgan uchrashuvda Karlos raqibini bir xil - 6/3, 6/3, 6/3 hisoblarida mag'lub etib, faoliyatida ilk bor Uimbldon finaliga chiqdi. 

Bahs davomida ispaniyalik tennischi 5 ta eys, 4 qo'shxato va 2 ta breyk qayd etdi. Daniil esa 4 ta eys zarbasini amalga oshirib, 3 bor qo'shxatoga yo'l qo'ydi va 6 ta breykdan unumli foydalandi. 

Karlos Alkaraz faoliyatida ikkinchi bor "Katta Dubulg'a" turniri  finaliga chiqdi. Endi u bosh sovrin uchun jahonning ikkinchi raketkasi serbiyalik Novak Jokovichga qarshi bahs olib boradi.