Ular Olimpiadaga borishadi – Yodgoroy Mirzaeva!

Bugungi qahramonimiz boks bo'yicha mamlakatimiz terma jamoasi azosi, xalqaro toifadagi sport ustasi, o'zbek boksi tarixida ilk bor Olimpiadada ishtirok etadigan vakilamiz Yodgoroy Mirzaeva.

Yodgoroy Mirzaeva – 1996 yili Samarqand viloyatining Kattaqo'rg'on tumanida dunyoga kelgan. Boksdagi ilk murabbiyi Oybek Tojiev. Sport turiga qiziqish uni Samarqand olimpiya zaxiralari kollejiga etaklab keldi. U erda tajribali murabbiy SHarif Narziqulov qo'l ostida shug'ullanishni davom ettirdi. Ayni paytda Alisher Navoiy nomli Samarqand Davlat universitetining jismoniy madaniyat fakultetining birinchi bosqich talabasi. Ushbu sport turi bilan shug'ullana boshlaganiga hali ko'p vaqt bo'lmasada, qahramonimiz aytishga arzigulik yutuqlarga erishdi.

Aynan u o'zbek boksi tarixida Olimpiya o'yinlarining boks bahslarida ishtirok etuvchi birinchi ayol sportchiga aylandi. Yodgoroy ushbu tarixiy yo'llanmani shu yili Xitoyning Kuinan shahrida o'tgan Osiyo-Okeaniya mintaqasi saralash bahslarida qo'lga kiritdi. Bugungi kunda u terma jamoa murabbiyi Rahmatjon Ro'zioxunov qo'l ostida CHorvoq sport bazasida to'rt yillikning eng nufuzli musobaqasiga tayyorgarlik ko'rmoqda. Mashg'ulotlar kuniga ikki mahaldan olib borilyapti. U erda asosan umum jismoniy tayyorgarlikka etibor qaratilgan. Tayyorgarlik kun tartibidan kuchga ishlash, jismoniy mashqlar, 10 km yugurish, yuqoriga chopish, kunora 500, 1000 metrga suzish kabi mashg'ulotlar o'rin olgan. Yodgoroyga terma jamoa azolaridan biri Tursunoy Rahimova, murabbiylardan Kamoliddin Mutalov, Dilmurod Hasanov yaqindan yordam berishyapti.

Orzuim – 31-Yozgi olimpiya o'yinlarida munosib tarzda ishtirok etib, o'zimdan yorqin taassurot qoldirishdir, - deydi bokschimiz. Biz olimpiadada ishtirok etuvchi barcha sportchilarimiz qatori Samarqand boks maktabi tarbiyalanuvchisi Yodgoroy Mirzaevaga ham chin manoda zafar yor bo'lishini, Braziliyadan yorug' yuz bilan qaytib kelishini tilaymiz.