Ulug'bek Rashitov: Maqsadim - ikki karra Olimpiada chempioni bo'lish!

CHempion buning uchun davlatimiz rahbariga minnatdorchilik izhor qildi. 

"Muhtaram Prezidentimizga sportga shu qadar ko'p vaqt ajratayotgalari uchun katta rahmat aytmoqchiman. SHu tufayli biz sportchilarda barcha sharoitlar bor va xalqaro musobaqalarda g'olib bo'lish uchun barcha imkoniyat mavjud. 

Davlatimiz rahbari tomonidan "O'zbekiston iftixori" faxriy unvoni berilishi men uchun katta sharaf. Prezidentimizning qo'llab-quvvatlashi bilan har qanday marralarni zabt eta olamiz. 

Men O'zbekiston bayrog'ini yuqoriga ko'tarishga, madhiyamiz yangrashiga va xalqimizni xursand qilish uchun borimni beraman. Tokiodagi Olimpiadadan keyin O'zbekistonga qaytib kelganimizda yurtdoshlarimiz bizni ajoyib tantana bilan kutib olishdi. Menimcha, hech qaysi mamlakatda sportchilarni bunday kutib olishmagan. Buning uchun katta rahmat aytaman. Xudo xohlasa 2024 yil Parijdagi Olimpiadada ham oltin medalni olib kelishga vada beraman. 

Tokiodagi Olimpiada finali vaqtida ortimda xalqim, Prezidentim va oilam turganini his qildim. Parijdagi Olimpiadada barcha o'zbekistonlik sportchilarda oltin medal bo'lishini tilab qolaman. Yana bir bor katta rahmat", - deydi Ulug'bek Rashitov. 

O'zbekiston taekvondo WT associaciyasi matbuot xizmati