Ulug'bek Rashitov va Jasurbek Jaysunov Tayyuan Gran-Prisi sovrindori bo'ldi

Bugun, musobaqaning ikkinchi kunida besh nafar sportchimiz — Ulug'bek Rashitov, Niyoz Po'latov, SHuhrat Salaev, Jasurbek Jaysunov va Feruza Sodiqova dayanga chiqdi. Kun yakuniga ko'ra ularning ikki nafari sovrindorlar qatoridan o'rin oldi. 

-68 kg vazn toifasida milliy terma jamoamiz azosi Ulug'bek Rashitov yarim finalga qadar etib bordi va koreyalik raqibiga imkoniyatni boy berib qo'ydi. Ulug'bek bungacha mo'g'ulistonlik Buyanshagai Enhboldni, eronlik Matin Rezaini hamda xorvatiyalik Marko Golubichni mag'lubiyatga uchratgan edi.

-80 kg vazn toifasida Jasurbek Jaysunov ham yarim finalda koreyalik raqibga imkoniyatni boy berdi. Jasurbek bungacha SHuhrat Salaevni, misrlik Seif Eissani hamda eronlik Mirhoshim Hosseynini mag'lubiyatga uchratgan edi.