"Umid va ishonch". O'zbekiston boks federaciyasida "Olimpiya kuni"ga bag'ishlangan tadbir tashkil etildi

SHu munosabat bilan, butun dunyoda, shu jumladan O'zbekistonda ham mazkur sanaga bag'ishlangan tadbirlar tashkil etilmoqda.

Ana shunday tadbirlardan biri bugun O'zbekiston boks federaciyasida tashkil etildi. "Umid va ishonch" shiori ostida o'tkazilgan ushbu tadbirda O'zbekiston boks federaciyasi rahbariyati, Oliy Majlis qonunchilik palatasi deputatlari, CHilonzor tuman prokurori, Ichki ishlar bo'limi vakillari, Toshkent shahar hokimiyati mutasaddilari, Olimpiya o'yinlari g'olibi Fazliddin G'oibnazarov, yosh bokschilar hamda IIV ro'yxatida turuvchi uyushmagan yoshlar hamda OAV xodimlari ishtirok etishdi. 

Tadbir davomida so'zga chiqqanlar yoshlarni sportga qiziqtirishda, sog'lom turmush tarziga chorlashda bunday tadbirlarning ahamiyati yuqori ekanligi haqida gapirishdi. 

Yosh bokschilar ishtirokidagi ko'rgazmali chiqishlar, boks uchrashuvlari tomoshabinlarda iliq taassurot qoldirdi. 

Tadbir yuzasidan O'zbekiston boks federaciyasi bosh kotibi Murodjon Mamadaliev shunday dedi:

"Olimpiya kuniga bag'ishlab O'zbekiston boks federaciyasi va mutasaddi tashkilotlar hamkorligida ushbu tadbirni tashkil etdik. Mazkur tadbirga yoshlarni taklif qilib, ularni sportga, hususan boksga qiziqtirish, yoshlarni to'g'ri yo'lga boshlash asosiy maqsadlarimizdan biridir.  

Muhtaram Prezidentimiz tomonidan sportga, hususan boksga etibor yuqori. Aprel oyida PQ-5099 sonli qaror kuchga kirdi va biz bundan juda xursandmiz. Ushbu qaror bizga faoliyat olib borishimiz uchun qo'llanma, kerakli xujjat bo'ladi. 

Mana shunday tadbirlar orqali biz boksimizning bugungi holati, yutuqlarni yoshlarga tanishtirmoqdamiz va ularda boksga qiziqish uyg'otmoqdamiz. 

Ular boks orqali o'zlarini ko'rsatib, bayrog'imizni ko'tarishlari va yurtimiz madhiyasini yagrashiga sababchi bo'lishsa - biz uchun eng katta yutuq shudir", - dedi Murodjon Mamadaliev.

O'zbekiston boks federaciyasi matbuot xizmati