“Universal Jumping Agro” ot sporti klubida dezinfekciya ishlari olib borildi

Toshkentdagi “Universal Jumping Agro” ot sporti klubi mazkur sport turi bo'yicha deyarli barcha musobaqalarni o'zida qabul qiladi. SHuningdek, ushbu arena hududidagi otxonalarda terma jamoamiz azolari uchun biriktirilgan tulporlar yashaydi. 

Tarqalayotgan virusning oldini olish maqsadida yiliga 55-60 ta startga mezbonlik qiladigan mazkur ot sporti klubining har bir burchagida dezinfekciya ishlari olib borildi. Dezinfekciya jarayonida otxonalardan tortib, bahslar o'tadigan maydon, tomoshabinlar sektorlarigacha bo'lgan hudud qamrab olindi.